Leikskólaslys

Ása fékk símhringingu frá leikskólanum fyrir hádegi í gær og beðin um að koma og ná í Elvar þar sem hann hefði slasað sig. Tildrög slyssins voru þau að Elvar og Daníel vinur hans voru eitthvað að brasa og Elvar er með hendina ofaná steini og Daníel heldur á grjóti sem fer ofaná hendina á kappanum. Það kom mikið blóð samkvæmt Elvari sjálfum. Ása fór með hann á bráðamóttökuna þar sem allt var fullt af pólverjum sem voru með
"eigendum sínum" og voru að reyna fá að fara inn og láta gera að sárum sínum. Ása fór inn með gutta putta og hittu lækninn sem tók og sprautaði með nál í puttann á honum og tók svo og reif nöglina af hendinni... Það eina sem Elvari fannst vont var þegar hann sprautaði með nálinni í puttann, það var hrikalega vont. Svo var allt klætt í umbúðir og bros kall teiknaður á umbúðirnar sem Elvar segir að sé vinur sinn.
Svo í gærkvöldi var hann eitthvað að brasa inni á baði og endaði á því að umbúðirnar voru rennandi blautar. Þá þurftu mamma og pabbi að fara í læknisleik. Það var mjög gott að gaman að græja þetta á puttann á honum þar sem doctorinn hafði fyllt töskuna hennar Ásu af alls konar umbúðum og límbandi og smyrslum og ég veit ekki hvað og hverju. Þannig að við vorum með allt til alls. Svo á endanum var teiknaður nýr vinur á umbúðirnar.