Sumarbústaðaferð

Við fórum í stutta sumarbústaðaferð í gær. Vinafólk okkar þau Guðrún og Ómar buðu okkur að koma í gær í bústað til þeirra. En fjölskylda þeirra á bústað í Vaðnesi. Það kom yfir mann notaleg tilfinning að fara í Vaðnes á nýtt. Ekki frá því að maður sakni örlítið bústaðarins sem Ester og Kristján áttu. En þetta var mjög notaleg að koma til þeirra. Við vorum að vísu alveg í seinna laginu í gær, við vorum ekki komin fyrr en klukkan að ganga níu að mig minnir. við fórum nefnilega í heimsókn í garðabæinn áður en við fórum út úr bænum og enduðum þar í smá afmælismat. En Ester átti afmæli í gær, og einnig solla. Til hamingju báðar með daginn. Þegar við komum í bústaðinn voru krakkarnir náttúrulega ekkert á því að fara að sofa. En það gekk nú á endanum eitthvað um miðnætti. Við borðuðum grillmat um miðnætti, og var það frábært að borða grillmat í miðnæturnasl. Svo var tekið spil, eitthvað spil sem ég og Ása höfum ekki spilað áður Leonardo og co. mjög skemmtilegt spil. Svo var auðvitað farið í pottinn og drukkinn smá öl og smá hvítvín. Í dag var léttur fótboltaleikur á meðal unga fólksins. Þetta var allavega rosalega gaman og gott að komast aðeins út úr borgarys og þys. Þökkum við Ómari, Guðrúnu og Róberti Skúla fyrir notalega stund í bústaðnum. Sjá myndir úr ferðinni á með því að stiðja á slóðina hér að neðan kv Einar og Ása
http://picasaweb.google.com/einareir/BStaAferVaNes23FebrRar2007/photo#5035174251944160498

Afmæli, öskudagur og veikindi

Heimilsmóðirin átti afmæli á dögunum,á bolludaginn þann 19 febrúar og varð hún árinu eldri en ég...reyndar varð hún árinu eldri en hún var deginum áður. Hún varð 28 ára en lítur ekki út fyrir að vera deginum eldri en 25 ára. Eins og venjulega var ekki auglýst neitt afmælisboð en opið hún var fyrir vini og ættingja sem vildu koma og heiðra hana á þessum tímamótum. Ester og Kristján komu í köku og kaffi. Sprengidagurinn var næstur á eftir eins og flestir ættu að vita. Í fyrsta skiptið hjá þessari fjölskyldu var eldað saltkjöt og baunir að gömlum sið, og tókst það svo líka glæsilega. Tókst það svo vel að heimilisfaðirinn át á sig gat eins og sagt. Át það mikið að hann var lagstur í rúmið með hræðilega verki fyrir tíu um kvöldið. Eins gott að þetta sé aðeins einu sinni á ári. Svo ég tali nú ekki um allar hertu fituna sem er í þessu..púúfff. Öskudagur, dagur barnanna. Elvar undirbjó sig nokkuð vel og var búinn að gera allt klárt kvöldið áður, það er að segja búninginn og allt það. Hann var ljón, hræðilegt ljón með svaka öskrum og látum. Hann sagði að þetta væri ljónið úr Narníu ( sem er ævintýra mynd fyrir börn ) Hann var alveg í skýjunum yfir þessu og var að farast úr spenningi þegar hann fór í leikskólann í morgun. Mikið var gert í leikskólanum þeim til gamans. Allir voru náttúrulega í búningum, bæði börn og eins eitthvað af fóstrunum. Það var pítsupartý, og svo var slegið í tunnu, alveg eins og í gamla daga. Nema hvað þegar tunnan fór þá hrundi haugur af snakkpokum úr henni ( snakki frá Stjörnusnakki sem nota ekki herta fitu ), og endalaus gleði var um allan skólann. Litla prinsessan á heimilinu er búin að vera rosalega veik undanfarna daga. Hátt í 40 stiga hita og gubbustand og ég veit ekki hvað og hvað. En við erum að vona að hún fari nú að hressast fljótlega. Jæja nóg í bili bið að heilsa EE og Ásk

Komin mynd á herbergin

Jæja þá er þessu ævintýri lokið, krakkarnir komnir í sín eigin herbergi. Þetta er búið að taka okkur tvær helgar, tvær helgar þar sem íbúðin hefur verið í algeru messi. En þessu er nú loksins lokið. Elvar er í skýjunum yfir herberginu sem hann er komin í. Einhvern veginn rúmast allt miklu betur inni hjá honum núna þó svo þetta herbergi sé ekki nema 7 cm breiðara en það sem hann var í. Ester Una er líka í skýjunun, hún er allavega búin að vilja hjálpa mikið til, notað hvert tækifæri þegar hurðin opnast að hlaupa inn og reyna að gera eitthvað af sér. Bara að ná að gera eitthvað. Það eina sem á eftir að gera er að koma fyrir eitthvað af þessu drasli sem eftir er. Búið er að henda gríðarlega miklu og erum við ekki farin að sakna neins af þessu ennþá allavega. Ég er alveg vissum að við gætum komist í innlit útlit fyrir breytingar fyrir lítinn pening. Við náðum að breyta þessum tveim herbergjum fyrir innan við 12.þús og geri aðrir betur. Þið getið smellt á linkinn hér að neðan þar getið þið sé myndirnar af nýju herbergjunum.
kv Einar og Ása
http://picasaweb.google.com/einareir/NJuHerberginBJarholtinu/photo#5032631635599894978

Eurovison úrslit jahúúú..!!!

Jæja gott fólk þetta fór eins og ég var búinn að spá, auðvitað fer Eiríkur "Accept" Rauði Hauksson út fyrir okkar hönd og enginn annar. Var samt voðalega skemmtilega til þess að hugsa að 77,7% þeirra sem voru í efstu þrem sætunum voru hommar. Hefði verið magnað ef Jónsi hefði líka verið á meðal þriggja efstu þá hefðum við verið með 100% hommaúrslit. Nei nei ég er bara að grínast smá Jónsi er ekki hommi þetta er fínn strákur og leiðinlegt fyrir hann að komast ekki áfram með sitt framlag. En ég er bara ánægður að þetta fór sem það fór, og líka gaman að heyra aðeins af laginu á Engilsaxnesku. Til hamingju, þá er það bara næsta skref að komast upp úr forkeppninni en ég held að það verið ekki vandamál fyrir Rauða Ljónið

Sæl að sinni EE

Það er að færast mynd..

Það er að færast mynd á herbergið hjá Ester Unu. Búið að mála allt hvíta, og bleiki litur kominn eina umferð. Þetta verður ægilegt gellu herbergi. Nánar síðar þegar verki er að fullu lokið .
kv Einar Eir

Klár strákur.

Það er alltaf gott að fá staðfestingu á því að maður eigi klárt barn. Auðvitað er barnið manns klárasta barn í heimi, en allt gott að fá að heyra það fá einhverjum öðrum. Ása fór í foreldraviðtal í Vesturkot í dag en það er einmitt leikskólinn hans Elvars fyrir þá sem ekki vita það. Þar lýsti deildarstjórinn Elvari Mána sem rosalega klárum strák. Einn af fáum sem eru farnir að skrifa nafnið sitt sjálfur, og svo er hann rosalega góður drengur. Hann vill ekki skilja stelpurnar eftir í leikjum þó svo hinir strákarnir vilji það, og svo er hann rosalega vinsæll í hópnum. Hann er einnig komin með "kærustu" sem er hálfgerður "stoker". Hún er alltaf með honum og bíður eftir honum á morgnana ef hann er seinn í skólann, og spyr og spyr hvenær hann komi. Elvar segir að hún sé stundum að pirra hann, hvort það sé vegna þess að hún sé alltaf hangandi í honum eða hvað, það vitum við ekki alveg. Eins sagði hann okkur að hún væri stundum að reyna að kyssa hann, skil ekki að alveg hvers vegna hann er ekki að vilja það. Hann er allavega mjög klár þessi drengur sem við eigum og eru við í skýjum með það, að við séum þá á réttri leið með hann hvað varðar meðal annars uppeldið á honum..go go við, staðfesting á að við séum gera eitthvað rétt.

Kveðjur af Holtinu.

Fréttastofa stöðvar 2 ( NFS ) að missa sig

Þetta er eitthvað sem ég fékk ábendingu um, var ekki búinn að sjá þetta. En þetta er frekar fyndið og vandræðalegt. Ýtið á slóðina hér..njótið vel. http://www.visir.is/apps/pbcs.dll/section?Category=VEFMIDLAR&Template=VefTV&ChannelID=10&ProgID=29829&ProgType=1002&ItemID=26450&progCItems=1

Álver eða ekki Álver ??

Ein heitasta umræðan í Hafnarfirði þessa dagana er hvort stækka eigi álverið eða ekki. Og fáum við sem eigum heima í firðinum að kjósa um það. Ég er ekki búinn að gera upp hug minn varðandi þetta, því svo mörgum af mínum spurningum er enn ósvarað og ekki veit ég hvort ég fái einhvern tímann svör við þeim öllum. Eitt er það sem ég hef velt einna mest fyrir mér, og eru rannsóknir sem ég sá á netinu sem Heilbrigðisnefnd eða stofnun Hafnarfjarðar og kópavogs hafa verið að gera. Mig minnir frá árinu 2000 og rannsóknarstaður er einmitt Holtið í Hafnarfirði, og svo skemmtilega vill til að það er einmitt þar sem við búum. Koma fram, ef það er rétt, ógnvænlegar niðurstöður. Það sem er mælt í þessum rannsóknum er til dæmis, megnun af völdum koltvíoxið, flúors og svifryks. Árið 2001 fórum mælingar á þessu fimm mánuði í röð yfir hættumörk, og einnig hefur þetta verið að gerast, samkvæmt þessum niðurstöðum, nokkrum sinnum á ári. Vill ég taka fram samt sem áður að eflaust er hluti af svifryksmenguninni til komið vegna bilaumferðar af Reykjanesbrautinni. Þá spyr ég...ef Alcan er eins og raunin er ( eftir minni bestu vitund ) búið fullkomnum hreinsunnarbúnaði til að hreinsa útblástur sem fer í andrúmsloftið nái ekki að halda þessu undir hættumörkum eru þeir þá eitthvað frekar að ná að halda þessu niðri þegar álverið er orðið meira en helmingi stærra ??? á það sem er að fara frá Þeim þá ekki bara eftir að verða helmingi meira. þetta er það sem ég hef verið að velta einna mest fyrir mér.Auðvitað er fjárhagslega gott fyrir Hafnfirðinga að fá stækkun á álverið, tekjur bæjarins yrðu svakalega miklar, beinar tekjur bæjarins geta numið um 800 milljónum á ári. Alcan hefur staðið mjög mikið á bakvið bæinn og íbúa varðandi niðurgreiðslur á íþróttaiðkun barna í firðinum og ýmsum viðburðum í bænum, og það til fyrirmyndar. Ekki væri nú gott ef stækkun yrði felld og á næstu fimmtán árum færi álverið. Og hvað þá ? Þá þurfum við sem búum í þessu bæjarfélagi að fara að greiða fyrir til dæmis íþróttaiðkun barnana, og eflaust myndi ýmislegt annað hækka til að vega upp á móti tekjunum sem bærinn hefði þá misst vegna flutnings eða lokun álversins. Svo ekki sé talað um alla þá sem myndu missa vinnuna. Eiga einungis Hafnfirðingar að fá að kjósa um þetta eða á að gera þessa að þjóðaratkvæðagreiðslu ?? Á íbúðarverð hér á holtinu svo ég tali nú ekki um á Völlunum eftir að hrapa í kjölfar stækkunnar, vill einhver búa með risa stórt álver í bakgarðinum hjá sér. Það er eitt og annað sem maður hefur verið að velta fyrir sér, en enga afgerandi niðurstöðu fengið í þær pælingar. Mjög naumt hefur verið á skoðanakönnunum sem hafa verið gerðar þannig að það er spurning hvoru megin þetta lendir, það er allavega eitthvað sem erfitt er að spá um. Það hafa allir skoðun á þessum máli, það er bara það versta að ég veit ekki hver mín skoðun er. Er einhver sem getur hjálpað mér ?? Hér er hægt að kynna sér nánar um hvað málið er að snúast á báða bóga. Með eða á móti ?? Það er stóra spurningin http://alcan.is/?PageID=221 http://www.solistraumi.org/

Menn með leiðindi...

jæja það er bara verið að taka á manni, já já svona eru þið þá. Ég vil byrja á því að biðja alla Svía fyrirgefningar á því að kenna Bergen við Svíþjóð, svo vil ég biðja alla Norsara fyrirgefningar á því að kenna Bergen við Svíþjóð og svo vil að lokum biðjast fyrirgefningar til allra þeirra bloglesenda minna sem ég hef við að fylla af rangupplýsingum um landafræði. Að lokum við ég biðja Pálma, Helgu, Eika Hauks og Íslensku þjóðina fyrirgefningar á að segja að tólf ár séu síðan Bergen ævintýrið í NOREGI var en auðvitað eru það tuttugu og eitt ár síðan, stærðfræðin aðeins að fara með mig. Held samt að ástæðan fyrir þessum misskilningi með árafjöldan sé sú að ég upplifi mig mun yngri en ég er í raun.
Svo til að slá botninn í þetta vil ég þakka lesendum blogsins fyrir þessar ábendingar.

kv Einar Eir

Euróvísan

Þá er komið að einu Júróvisíon ári og virðist stefna í það að toppað það sem var í fyrra. Það er samt eitt og annað sem ég er ekki alveg að skilja varðandi þetta lagaval sem er nú í gangi. Rosalega frábært að Eiki Hauks hafi tekið sig til og ákveðið að vera með, tólf árum eftir að hann var síðast í þessari stöðu með Pálma og Helgu Möller. Ekki slæmur brautriðjanda hópur þetta. Að vísu er þetta ekki alveg rétt hjá mér það voru ekki Eiríkur og Helga sem sungu í sjónvarpssal 1986 heldur söng Pálmi þetta einn, en svo voru gerðar breytingar áður en farið var út til að "meika það" og vinna þessa keppni, Eiríki og Helgu bætt með til að dubba aðeins Pálma gamla upp. Það má kannski einnig minnast á það fyrst ég er byrjaður að tala um þessu gömlu kempur og keppni, að 1986 var keppnin háð í Bergen í Svíþjóð. Tókst það með ágætum hefði ég ekki viljað að Pálmi hefði farið einn út, þá efast ég um að lagið myndi lifa í minningu fólks eins og það gerir í dag. Þessi keppni er mikið breytt frá því þetta var og kannski ágætt. En í gegnum tíðina hafa verið að fara oft út í keppnir ótrúlega leiðinleg lög svo ég sé nú bara harðorður. Ég vona að ég sé ekki að særa einhverja últra harða júróviríon aðdáendur með því að segja þetta en ég held að ég sé ekki að fara með einhverjar fleipur varðandi það. Og ef það á að senda hann Hafstein Þórólfsson með lagið "Þú tryllir mig" þá er enn eitt lagið komið í vondulagakeppnina. Ég er ekki að skilja hvernig þetta komst í gegn um síur dómnefndar. HALLÓ !!! voru ekki fleiri lög til að velja úr eða hvað, ég er ekki að skilja þetta. Hræðilegt lag. "þú tryllir mig jejejeja" ekki skemmtiefni. Svo voru nú fleiri sem hefðu alveg mátt sitja heima og horfa frekar á alvöru talenta sem kunna sitt fag í staðinn fyrir að gera sig hálfpartinn að fíflum uppi á sviði fyrir framan þjóðina og ætla ég ekki að tjá mig frekar um það, þar sem þessir aðilar komust ekki í úrslit, sem betur fer segði ég nú bara því þá hefði ég gefið tónlist uppá bátinn. Ok smá upptalning. Eldur með Friðriki Ómari, fínt lag sem viðlagið festist aðeins við hausinn á manni, gæti farið út, mögulega vegna þess að hann er "öðruvísi" og já hann er ágætis söngvari. Bjarta brosið, Andri Bergmann. Halló hver er þetta eiginlega. Var eins og hálfgerður spítukarl á sviðinu átti eitthvað erfitt með sig. Ekki að fýla hann, sorry Bergmannsætt, sorry. Blómabörn Bríet Sunna, þetta er eitt af þeim lögum sem ég nenni hreinlega ekki að tjá mig um, hræðilega fölsk, sorry. Áfram, Sjonni Brink, þetta er ofurtöffari sem er að heilla allar mæður ungra stelpna, allar vilja fá Sjonna sem tengdason, góður titill þetta "Sjonni Brínk tengdasonur ísland" hann fær allavega prik og stig frá kerlunum. Heiða, ég og heilinn minn. var nú ekki að kaupa þetta lag þegar ég heyrðí það fyrst, svo fór ég að hlusta á það aftur og svo aftur, pældi eins í textanum og fattaði þá að þetta er hrikalega súrt lag, en jafnframt alveg frábært, veit samt ekki hvort það sé góður útflutningur fyrir okkur að senda þá í júró. Matti papi, húsin hafa augu, þetta er það sem ég er búinn að vera með á heilanum í tvær vikur "því húúúúsin hafa augu, babababababababa" algert klísturslag, afhverju var ekki bara samið um ást eins og í öllum hinum. Nei nei þetta er frábær tilbreyting í textaflóruna að þá þennan texta. Jónsi, segðu mér. Eins og með Bríeti þá nenni ég eiginlega ekki að tjá mig um þetta lag, þetta er ágætisvæla, en hann er búinn að reyna svipað með Heaven, það var ekki að ganga þannig að við skulum ekki senda hann aftur með eitthvað vælulag.
EIRÍKUR HAUKSSON OFURTÖFFARI, ég les í lófa mínum. Þetta er framlag Íslands til Söngvakeppni Efrópska sjónvarpsstöðva 2007 og ekkert annað. Þetta er risinn, töffarinn, naglinn, coolistinn, kallinn, maðurinn, já þetta er maðurinn sem við eigum að senda út, ég er alveg harður á því að hann eigi eftir að komast nokkuð langt með þetta úti. Hlakka mjög mikið til að heyra þetta lag á engilsaxnesku, það verður forvitnilegt að sjá það. en svo ég spái kannksi aðeins með úrslitin næstu helgi þá held ég að það það fari á þennanveg

1. Eiríkur Hauksson

2. Jónsi

3. Friðrik Ómar.

4. Heiða.

En þetta er einungis mín skoðun og speglar á engan hátt skoðuð heimilisins.

Varðandi hið árlega Evróvision teiti þá er ekkert planað þessa helgi, en fólki er velkomið að koma og horfa með. En til ykkar hinna sem málið varðar þá verður náttúrulega hið árlega á sínum stað og engu haggað með það.

Bið að hilsa Einar Eir

Breytingar í Bæjarholti

jæja þá er Elvar Máni kominn í nýja herbergið, og er svakalega ánægður. Þetta er búið að vera aðeins meira en að segja það. Við gerðum okkur ekki grein fyrir því hvað það var mikið drasl sem var búið að safnast upp hjá okkur á aðeins einu og hálfu ári. Það er búið að fylla tvo statíon fjölskyldu bíla af haugamat, búið að selja svefnsófann og meira á leiðinni inn á barnaland. Ef einhverjum er að vanta eitthvað barnadót þá endilega hafið samband við Ásu 844-9009 það er eitthvað til fyrir alla.
En eins og ég sagði hér að ofan þá er þetta búið að vera meira en að segja það. Það magn sem Elvar er búinn að safna að sér var lýgilegt, allsstaðar í öllum hornum og undir öllu og inni í öllu var eitthvað dót sem hann var að geyma, en nú er mikið af því á leið til himna. lokið var við að mála í gærkveldi og svo var innflutningur í kvöld hjá honum og fyrst nóttin í nótt. Íbúðin er búin að líta út eins og eftir kjarnorkusprengju og er það ekkert grín eins og sjá má hér til hliðar. Þá er næsta mál sem er á dagskrá hér það er að koma Ester Unu í gamla herbergið hans Elvars. Það er allavega búið að losa það að mestu núna þannig að það er þá að fara að mála. Ef einhverjum er að vanta vinnu við að mála þá endilega hafði samband og ég skal redda málingu og bjór. Allavega ágætis dagverki lokið í dag,
húrra fyrir okkur
biðjum að heilsa ykkur öllum. Einar og Ása

Hvernig á að setja comment, skrifa skilaboð til okkar

jæja þá er það comment kennsla 101, eða réttara sagt kennsla í því hvernig þig getið skrifað skilaboð á síðuna okkar. Nokkuð hefur borið á því að fólk sé að kvarta yfir því að það sé ekki hægt að setja skilaboð á síðuna okkar. En hér koma einmitt leiðbeiningar hvernig gera á þetta. Fyrir neðan hverja ... stendur "comment" þið ýtið á það og þá er komið inn í annað umhverfi. í glugganum sem er til vinstri skrifi þið eitthvað sem þið viljið koma á framfæri við okkur, eða ábendingar varðandi síðuna eða senda okkur kveðju eða hvað sem er. Svo þegar því er lokið er frekar neðarlega hægra megin og þar stendur "Choose an identity" þar setjið hak í "other" þá birtist gluggi sem stendur fyrir framan "name" þar er nafnið sett, og svo er hinn glugginn sem fyrir framan stendur " your web page " þar getið þið sett til dæmis barnalands síðuna ykkar eða einhverjar aðra síðu sem þið eruð með og viljið deila með okkur.
En þá eru komnar leiðbeiningar um hvernig á að setja skilaboð á síðuna
Með kærri kveðju og von um að þið farið nú að setja comment inn á síðuna
Einar Eir

Stórverkefni hrint afstað.

Búið er að hrinda afstað stærsta verkefni sem ráðist hefur verið í hér á heimilinu. Verkefnið er að græja "draslherbergið". Þetta hefur verið eins og draugur að elta okkur þetta blessaða herbergi, við höfum notað það undir endalaust drasl, og svo hafa ættingjarnir að norðan verið í því þeir þau koma í kaupstaðaferð. En nú er búið að taka þetta stóra skref og byrja, en þá er bara spurningin hve langan tíma þetta er að taka. Það sem við ætlum okkur að gera með þetta herbergi er að setja Elvar Mána í það og Ester Unu í herbergið sem Elvar er í núna, brilliant hugmynd. Vonandi að þetta sé ekki að fara að taka okkur alltof langan tíma. Hér við hlið er mynd sem var tekin í gærkvöldi inn í þetta hræðilega herbergi. Við seldum svefnsófann sem var þarna inn og var það eiginlega það sem kom okkur afstað í þetta núna. Svo er bara að finna pláss fyrir allt þetta "drasl". Látum ykkur vita hver framvindan verður á þessu stóra verkefni.
Í bili.